Koi Humein Bhi Pasand Karte Yun....

Koi humein bhi pasand karte yun.....
Ki ruh tak hum usse mehsoos kar paate.....
daaman-sang hum us mein bheeg jaate....
Ki bas unke pehlu mein, hum simat ke reh jaate.....

Koi humein bhi pasand karte yun.....
Ki waqt bhi thehar jaata...
kuch hairani,
kuch jalan,
kuch bekhayaali mein.... :-)

Koi humein bhi pasand karte yun.....
Bina kisi sawaaliya nishan ke...
Bina kisi shikwa, kisi gila ke.....

Koi humein bhi pasand karte yun.....
ki hum woh kuch-kuch hain, jiski unko chaahat hain....
Aur pasand karte usse bhi jyaada.....
ki hum woh bhi kuch-kuch hain, jisse woh ab tak bekhabar, betakkalluf hain... :-)

Humse woh kabhi hairan hote, kabhi pareshan bhi hote.....
Hamari harkaton par tajjub karte, haans dete, daant bhi dete....
par Koi humein bhi pasand karte yun....
ki humse kabhi woh judaa naa ho pate...

Aur kaafi hota, unke liya, hamara 'hona'.....

Kisi parde, kisi mukhavte ki woh sifarish naa karte.....
'humein' badalne ki woh zara si koshish naa karte.....

hamari talaash ko ek mukaam mil jaata......
hamare hone ko ek payaam mil jaata.....
koi humein bhi pasand karte yun.....koi humein bhi pasand karte yun.....